Bihar Election Letest Updates:
বিভিন্ন এগজিট প’লৰ ভৱিষ্যত বাণী ভূল প্ৰমাণিত কৰি ভোট গণনাত এন ডিএ বৃহৎ জয়ৰ দিশে অগ্ৰসৰ হৈছে ৷২০২০ তকৈ বেছি আসনৰে এনডিএয়ে পাটনাৰ মছনদ দখল কৰাটো নিশ্চিত হৈ পৰে ৷ শেহতীয়া খবৰ অনুসৰি নীতিশ কুমাৰ মন্ত্ৰীসভাৰ আটাই কেই গৰাকী মন্ত্ৰী নিশ্চিত জয়ৰ দিশে আগবাঢ়িছে ৷ সকলোৰে দৃষ্টি নিবদ্ধ হৈ থকা প্ৰাক্তন আই পিএছ বিষয়া আনন্দ মিশ্ৰই কংগ্ৰেছ প্ৰাৰ্থী সঞ্জয় কুমাৰ তিৱাৰীক ২৫ হেজাৰ ব্যৱধানত পৰাস্ত কৰে ৷ নিৰ্বাচনৰ কেইটামাহ পূৰ্বে প্ৰশান্ত কুমাৰ নেতৃত্বাধীন জন সুৰক্ষা পাৰ্টি ত্যাগ কৰি বিজেপিত যোগদান কৰিছিল মিশ্ৰই ৷ একেদৰে ভোজপুৰী গায়িকা মৈথিলী ঠাকুৰ আলীনগৰ সমষ্টিৰ পৰা বিজয়ী হয় ৷
বৰ্তমানলৈকে অব্যাহত থকা ভোটগণনাত এনডিএ বৃহৎ অগ্ৰগতি লাভ কৰাৰ বিপৰীতে মহাজোঁটবন্ধন
শোচনীয় পৰাজয় হোৱাটো নিশ্চিত হৈ পৰে ৷
শেহতীয়া খবৰ মতে এনডিএৰ অংশীদাৰ বিজেপি ৯৫,জেডিইউ ৮৪,লোক জনশক্তি( ৰামবিলাস)১৯,হাম ৫,আৰএলএম ৪ আৰু মহাজোঁটবন্ধনৰ অংশীদাৰ আৰজেডি ২৫,কংগ্ৰেছ ১,বাওঁমৰ্চা ৪ আৰু অনান্যই ৬ খন আসনত অগ্ৰগতি লাভ কৰিছে ৷
আনহাতে এনডিএ চৰকাৰ গঠন কৰাটো নিশ্চিত হোৱাৰ লগে লগে তীব্ৰ উৎকণ্ঠা বাঢ়িছে এনডিএ অংশীদাৰ দল সমূহৰ ৷ কিয়নো নিৰ্বাচনৰ পূৰ্বে এনডিএ মুখ্যমন্ত্ৰী প্ৰাৰ্থী হিচাপে কাকো প্ৰক্ষেপ কৰা নাছিল ৷ উল্লেখ্য যে বিগত সময়ছোৱাত বিজেপিয়ে অধিক আসন লাভ কৰিলেও মুখ্যমন্ত্ৰী হিচাপে নীতিশ কুমাৰকে অধিষ্ঠিত কৰিছিল ৷ কিন্তু এইবাৰ বিজেপিয়ে এনে কোনো পদক্ষেপ নোলোৱাৰ সম্ভাৱনা প্ৰকট হৈ পৰিছে ৷ মহাৰাষ্ট্ৰৰ দৰে ফৰ্মুলা হয়তো বিজেপিয়ে বিহাৰত কৰিব পাৰে ৷ মহাৰাষ্ট্ৰত দেবেন্দ্ৰ ফাৰ্ণাবিছক মুখ্যমন্ত্ৰী পাতি একনাথ সিণ্ডেক উপ- মুখ্যমন্ত্ৰী পতাৰ লেখিয়াকৈ বিহাৰতো বিজেপিৰ প্ৰক্ষেপিত কোনো এজন বিধায়কক মুখ্যমন্ত্ৰী পাতি নীতিশ কুমাৰক মুখ্যমন্ত্ৰী পতাৰ সম্ভাৱনা ব্যক্ত কৰিছে বিভিন্ন ৰাজনৈতিক বিশ্লেষকে ৷
উল্লেখ কৰিব পাৰি যে পূৰ্বতে বিজেপিৰ স’তে এনডিএত থাকি কম সময়ৰ ভিতৰত এনডিএ ত্যাগ কৰি আৰজেডি লগত চৰকাৰ গঠন কৰিছিল নীতিশ কুমাৰ ৷ মুখ্যমন্ত্ৰীক চকী খন খামুচি থকা নীতিশে এইবাৰ পুনৰ মুখ্যমন্ত্ৰী চকী খন এৰি দিবনে বিজেপিক ৷ এইয়া এতিয়া অন্য এক চৰ্চাৰ বিষয় হৈ পৰিছে ৷ অৱশ্যে সংখ্যাৰ জোৰত এইবাৰ এনডিএ ত্যাগ কৰি মহাজোঁটবন্ধনৰ লগলাগি চৰকাৰ কৰিব নোৱাৰে নীতিশ কুমাৰে ৷
কাৰণ এইবাৰ পৰিবেশ সুকীয়া ৷ এই পৰ্যন্ত ফলাফলত জেডিইউয়ে ৮৪ খন অগ্ৰগতিৰ বিপৰীতে বিজেপি ৯৫,লোক জনশক্তি( ৰামবিলাস)১৯,হাম ৫,আৰএলএম ৪ ৷ জেডিইউ গুচি গ’লেই বিজেপি ৯৫ ,লোক জনশক্তি( ৰামবিলাস)১৯,হাম ৫,আৰএলএম ৪ ৰ মিলিত শক্তি হয়গৈ ১২৩ খন ৷
আনহাতে জেডিইউয়ে ৮৪ খন, আৰজেডি ২৫,কংগ্ৰেছ ১,বাওঁমৰ্চা ৪ আৰু অনান্যই ৬ খন সহ মুঠ হয়গৈ ১২০ খন ৷ এনেক্ষেত্ৰত মেজিক নম্বৰ ১২২ ৰ অধিক হোৱা সূত্ৰে বিজেপি,৯৫ ,লোক জনশক্তি ( ৰামবিলাস),হাম আৰু আৰএলএমে চৰকাৰ গঠন কৰিব পাৰে ৷ এনেবোৰ বিষয়বস্তু অনুভৱ কৰি হয়তো চতুৰ ৰাজনীতিক হিচাপে পৰিচিত নীতিশ কুমাৰে সাম্প্ৰতিক সময়ত এনডিএ এৰি নগৈ প্ৰধানমন্ত্ৰী মোদীয়ে যি সিদ্ধান্ত লয় তাকে হয়তো মানি লোৱাৰ সম্ভাৱনা বেছি ৷ অৱশ্যে ভোটগণনাৰ চুড়ান্ত ফলাফলে সকলো দিশ স্পষ্ট কৰিব I
