LGBIA New Terminal :
আজি বিয়লি দেশৰ প্ৰধানমন্ত্ৰী নৰেন্দ্ৰ মোদীয়ে আনুষ্ঠানিকভৰৱে শুভ উদ্বোধন কৰিব বৰঝাৰস্থিত লোকপ্ৰিয় গোপীনাথ বৰদলৈ আন্ত:ৰাষ্ট্ৰীয় বিমান বন্দৰৰ নতুন টাৰ্মিনেল ।
কেনেধৰণৰ টাৰ্মিনেলটো, জানো আহক :-
বাঁহ আৰু অৰ্কিড তথা বিনন্দীয়া প্ৰাকৃতিক শোভাৰ প্ৰতিফলনেৰে ভাৰতৰ প্ৰথমটো টাৰ্মিনেল ৷ উত্তৰ – পূৰ্বাঞ্চল ৰাজ্য কেইখনৰ পৰা আহৰণ কৰা প্ৰায় ১৪০ মেট্ৰিক টন বাঁহৰ ব্যৱহাৰ হৈছে টাৰ্মিনেলৰ চৌপাশ ৷ কপৌফুলৰ আৰ্হিত নিৰ্মাণ কৰা হৈছে ৫৭ টা স্তম্ভ ৷ একেদৰে আৰণ্যক শোভা প্ৰদানৰ বাবে একলাখ গছপুলিৰ সমাহাৰ হৈছে টাৰ্মিনেলত ৷ আনহাতে প্ৰাকৃতিক পোহৰৰ বাবে স্বচ্ছ ছাদৰো ব্যৱস্থা কৰা হৈছে ৷ টাৰ্মিনেলৰ এলেকা প্ৰায় ১.৪ লাখ বৰ্গমিটাৰ।
আনহাতে বছৰি যাত্ৰীৰ সেৱা বৰ্তমানৰ ৬৬ লাখৰ পৰা ১.৩ কোটি লক্ষ্যস্থিৰ কৰা হৈছে। একেদৰে আগন্তুক পাঁচটা বৰ্ষত ছয় সহস্ৰাধিক নিয়োগ সৃষ্টি কৰাৰো লক্ষ্য স্থিৰ কৰিছে কেন্দ্ৰীয় চৰকাৰে।
উল্লেখ্য যে যাত্ৰীকেন্দ্ৰীক সুবিধা সৰলীকৰণ কৰি ভাৰতৰ ভিতৰত প্ৰথমবাৰৰ বাবে নতুন টাৰ্মিনেলত পাকিং এলেকা আৰু এৰাইভেল ফ’ৰক’টত চেক-ইনৰ তাৎক্ষণিক ব্যৱস্থা সংযোজিত কৰা হৈছে ৷ তদুপৰি নিৰাপত্তাজনিত পৰীক্ষাৰ বাবে ক্ষিপ্ৰ তথা হস্তক্ষেপবিহীন সম্পূৰ্ণ শৰীৰৰ স্কেন ব্যৱস্থাৰ লগতে DigiYatraৰ জৰিয়তে প্ৰত্যেক খন দ্বাৰতে মুখমণ্ডল চিনাক্তকৰণ ব্যৱস্থাও কৰা হৈছে I
