ডাঙৰ তাৰকা নাই, প্ৰচাৰৰ শোভা নাই, বাজেটও নামমাত্র। কিন্তু তেওঁৰ বক্স অফিচত ইমানেই সফলতা লাভ কৰিলে যে ই কেইবাখনো বিগ বাজেটৰ ছবি এৰি ২০২৬ৰ ভাৰতৰ আটাইতকৈ লাভজনক ছবি হিচাপে পৰিগণিত হৈছে নাম ‘হনুমান আনছা’।
মাত্র ২ কোটি টকাৰ বাজেটেৰে নিৰ্মিত এই ছবিখনে ইতিমধ্যে ৪২ কোটিৰো অধিক ব্যৱসায় কৰিছে। অর্থাৎ ছবিখনৰ প্ৰডাকচন খৰচৰ তুলনাত ইতিমধ্যে ২০ গুণতকৈও অধিক আয় হৈছে।
‘ধুৰন্ধৰ ২’, ‘আৱাৰাপন ২’, ‘টক্সিক’ বা ‘পেডী’ৰ দৰে বৃহৎ ছবিৰ তুলনাত ছবিখনৰ সফলতা আৰু অধিক আচৰিত হৈ পৰে। কাৰণ বক্স অফিচত মুঠ ধনৰ পৰিমাণৰ হিচাপত এখন ছবিৰ সফলতাৰ বিচাৰ কৰা আৰু বিনিয়োগৰ তুলনাত লাভৰ হিচাপ কৰাটো সম্পূর্ণ বেলেগ কথা আৰু ২০২৬ ৰ দ্বিতীয়টো ডাঙৰ চমক আছিল ‘হনুমান আনছ’।
‘হনুমান আনছ’ মূলতঃ আধ্যাত্মিক নেতা নিম কৰোলি বাবাৰ জীৱন আৰু দৰ্শনৰ ওপৰত আধাৰিত। লক্ষ্মণ দাসৰ জীৱন আৰু পিছলৈ তেওঁৰ আধ্যাত্মিক যাত্রাই তেওঁক নিম কৰোলি বাবা নামেৰে কেনেদৰে পৰিচিত কৰি তুলিছিল সেই বিষয়ে চিনেমাখনৰ কাহিনী আবদ্ধ।
২০২৬ ত বক্স অফিচত লাভ কৰা অন্যতম ডাঙৰ সফলতা হৈছে ‘ধুৰন্ধৰ ২’। ছবিখনৰ বাজেট আছিল প্রায় ১২৫ কোটি আৰু তাৰ তুলনাত ইয়াৰ লাভৰ হাৰ প্রায় ১০০০ শতাংশ বুলি উল্লেখ আছে। অর্থাৎ মুঠ ব্যৱসায়ৰ ফালৰ পৰা এখন ডাঙৰ ছবি যদিও বিনিয়োগৰ তুলনাত লাভৰ শতাংশৰ ক্ষেত্ৰত ‘হনুমান আনছ’ আগবাঢ়ি আছে।
একেদৰে প্রায় ৩০ কোটি টকাৰ বাজেটত নিৰ্মাণ কৰা ‘আৱাৰাপন ২’ বক্স অফিচত প্রায় ৪৫০ শতাংশ লাভৰ হিচাপ কৰা হৈছে। তাত মাত্র ২ কোটিৰ ‘হনুমান আনছ’ৰ প্ৰায় ২০০০ শতাংশ লাভে ছবিখনক আন ঠাইলৈ লৈ গৈছে।