দৈনিক অগ্ৰদূত ডিজিটেল ডেস্ক: ভাৰতত বিমান যাত্ৰীসকলৰ বাবে এক চিন্তনীয় খবৰ। দেশৰ বিমান সংস্থাসমূহে বিমান আৰু আসনৰ সংখ্যা কর্তন কৰিবলৈ আৰম্ভ কৰিছে।
বিমান সংস্থাসমূহে ২০২৬ ৰ ছেপ্টেম্বৰত মুঠ ২ কোটি ২৭ লাখ আসনৰ দিন ধাৰ্য কৰিছে, যিটো বিগত বৰ্ষৰ ছেপ্টেম্বৰত ২ কোটি ৩৮ লাখ আসনৰ ব্যৱস্থা আছিল। এবছৰত প্রায় ৪.৫ শতাংশ আসন হ্রাস পাইছে।
একেৰাহে তৃতীয় মাহ ধৰি এই আসনৰ হ্ৰাস অব্যাহত আছে। এভিয়েশন ডাটা কোম্পানী অ’এজিৰ মতে এইবাৰ আটাইতকৈ বেছি কর্তন হৈছে ঘৰুৱা বিমান সেৱাত। ঘৰুৱা আসন ৫.৬ শতাংশ হ্রাস পাই ১.৫ কোটি হৈছে।
একে সময়তে আন্তঃৰাষ্ট্ৰীয় আসন ২.১ শতাংশ হ্রাস পাই ৭৭ লাখ হৈছে। কম আসনৰ অৰ্থ হ’ল বহু পথত যাত্ৰীসকলৰ বিমানৰ বিকল্প কম হ’ব পাৰে। যেতিয়া কোনো এটা পথত আসন কম থাকে কিন্তু যাত্ৰীৰ চাহিদা থাকে, তেতিয়া ভাড়াৰ ওপৰত উর্ধমুখী চাপ বৃদ্ধি পাব পাৰে। এতিয়া তাৰ লক্ষণ দেখা গৈছে।
ডিজিচিএৰ তথ্য অনুসৰি ২০২৫ ৰ মাৰ্চৰ পৰা ২০২৬ ৰ জুনৰ ভিতৰত ৭২টা ডাঙৰ ঘৰুৱা পথৰ গড় ভাড়া প্রায় ২০.৫ শতাংশ বৃদ্ধি পাইছে। এয়াৰ ইণ্ডিয়াৰ মুখ্য বাণিজ্যিক বিষয়া নিপুন আগৰৱালাই জুলাইত কৈছিল যে জুনৰ পৰা আগষ্টৰ ভিতৰত কোম্পানীটোৱে নিজৰ ক্ষমতা প্রায় ১৫ শতাংশ হ্রাস কৰিছে।
ইয়াৰ কাৰণ আছিল বিমানৰ অভাৱ, নতুন বিমান ডেলিভাৰীত পলম হোৱা আৰু পুৰণি বিমানত আসন সলনি কৰাৰ কাম।
