Khowang:
চৰকাৰী চাকৰি বিচাৰি যুবক-যুবতীসকলে হাবাথুৰি খাই থকা সময়ত একাংশ উচ্চ শিক্ষিত যুৱক-যুৱতীয়ে নিজস্ব চিন্তাৰে আত্মনিৰ্ভৰশীল হোৱাৰ পথ মুকলি কৰিছে। তেনে এজন উদ্যমী অসমীয়া হ’ল ডিব্ৰুগড়ৰ গৌতম বৰদলৈ। চীন দেশৰ উচ্চ পৰ্যায়ৰ চাকৰি এৰি নদী পর্যটনত ব্যস্ত এইজন অসমীয়া। যি সময়ত চৰকাৰে পৰ্যটন ক্ষেত্রসমূহ উন্নয়ন কৰি পৰ্যটকক আকৰ্ষণ কৰিবলৈ বিভিন্ন ধৰণেৰে প্ৰচেষ্ম হাতত লৈছে সেই সময়ত গৌতম বৰদলৈয়ে একক প্রচেষ্টাৰে নদী পর্যটনলৈ নতুন সম্ভাৱনা কঢ়িয়াই আনিছে। ডিব্ৰুগড়ৰ বৈৰাগীমঠৰ হেৰম্ব বৰদলৈৰ পুত্ৰ গৌতম বৰদলৈয়ে ডিব্ৰুগড় চৰকাৰী ল’ৰা উচ্চতৰ মাধ্যমিক বিদ্যালয়ত হাইস্কুলীয়া শিক্ষল্প গ্রহণ কৰি কলকাতাত উচ্চ শিক্ষা গ্রহণ কৰিছিল।
ইয়াৰ পাছতে তীখা নগৰি জামছেদপুৰত কৰ্ম জীৱন আৰম্ভকৰি পৰৱৰ্তী সময়ত বিশ্বৰ সৰ্ববৃহৎ চীনৰ ৰিফ্ৰেক্টৰী কোম্পানীৰ আৰ্চেলৰ মিট্টালৰ সহযোগী গ্রুপত কাম কৰাৰ বাবে ২০০৫ত নিমন্ত্রণ লাভ কৰি যোগদান কৰিছিল। এই কোম্পানীত ডেপুটি মেনেজাৰৰ দায়িত্ব পালন কৰিছিল গৌতম বৰদলৈয়ে। এজন অসমীয়াই চীন দেশৰ বিশ্বৰ সৰ্ববৃহৎ কোম্পানীত চাকৰি লাভ কৰোটো প্রতিজন অসমীয়াৰ বাবে গৌৰৱৰ কথা। ডিব্ৰুগড়ৰ এটা অতি সংস্কৃতিৱান, সমাজসেৱাৰ লগত জড়িত হৈ থকা পৰিয়ালত জন্মগ্রহণ কৰ গৌতম বৰদলৈয়ে চাঁন দেশৰ উচ্চ পৰ্যায়ৰ চাকৰিৰ বিলাসী জীৱন এৰি নিজৰ জন্ম ঠাইত থাকি কিবা এটা কৰাৰ বাবে ঘৰমুৱা হৈছিল।
চীনৰ কোম্পানীৰ চাকৰি এৰি পুনৰ ডিব্রুগড়লৈ ঘূৰি আহিছিল। বগীবিল দলং সম্পূর্ণ হোৱাৰ পাছত বগীবিলৰ পৰিৱেশ সুকীয়া হৈ পৰিছিল। চীনত চাকৰি কৰি থকা সময়ত ডিব্ৰুগড়লে আহোতেই গৌতম বৰদলৈয়ে লক্ষ্য কৰিছিল বগীবিলৰ পৰিবেশ। তেওঁ কয়, ‘দলং হৈ যোৱাৰ পাছত বর্গীবিল জনশূন্য হৈ পৰিছিল। ফেৰীঘাট বন্ধ হৈ পৰিছিল। দুই এখন ভঙা-ছিঙা ফেৰী পৰি আছিল। আবেলি সময়ৰ সূর্যাস্তৰ দৃশ্য, দলংখনক লৈ নদীখনৰ নান্দনিক পৰিৱেশ আদিক লৈ কিবা এটা কৰিব পাৰি নেকি সেই চিন্তা মনলৈ আহিছিল। লগতে দলং সম্পূৰ্ণ হোৱাৰ পাছত হেৰাই যোৱা ফেৰী ঘাটটো ধৰি ৰাখিব পাৰি নেকি তাৰো চিন্তা মনলৈ আহিছিল।’
গৌতম বৰদলৈয়ে চীনত বিশ্বব সর্ববৃহৎ স্টীল নির্মাণ কোম্পানীত কাৰ্মৰত হৈ থকা সময়ত দেশত আৰম্ভ হৈছিল ক’ভিডৰ ভয়াবহতা। তেওঁ চীনৰ কর্মস্থান এৰি ঘৰলৈ উভতি আহিব লগা হৈছিল। সেই সময়ত বগীবিললৈ আহি নাও বনোৱা কাম আৰম্ভ কৰিলো। লকডাউন হোৱা বাবে ঢলাৰ পৰা নাও বনোরা মিস্ত্রি নদীয়ে নদীয়ে আহি বগীবিল পাইছিল। যিহেতু লকডাউন হৈ আছিল বগীবিলত আমি গোপনে থাকি নাও বনোৱা কাম আৰম্ভকৰিছিলো। বগীবিলত পৰ্যটকৰ বাবে নাও বনোৱা কাম ক্ষিপ্ৰ কৰি তুলিছিল। নির্মাণ সম্পূৰ্ণ হোৱাৰ পাছত প্ৰাণৰ শিল্পী জুবিন গার্গে মুকলি কৰিছিল কাঞ্চনজংঘা। ২০২০ৰ ২৮ নৱেম্বৰৰ দিনা জুবিন গৰ্গে কাঞ্চনজংঘাৰ প্ৰথমখন নাও মুকলি কৰে।
নতুন চিন্তবে বগীবিলক পর্যটন ক্ষেত্র হিচাপে গঢ়ি তুলিবলৈ সক্ষম হোৱা গৌতম বৰদলৈৰ সন্মুখত আহি পৰিছিল বৃহৎ প্রত্যাহান। জুবিন গার্গে বগীবিলৰ কাঞ্চনজংঘা মুকলি কৰা পাছতে এটা বছৰত ৰাইজৰ মাজত অধিক জনপ্রিয় হে পৰিছিল। দেশী বিদেশী পৰ্যটকৰ আকৰ্ষণৰ কেন্দ্ৰ হৈ পৰে বগীবিলৰ কাঞ্চনজংঘা। কাঞ্চনজংঘাত উঠি নদীৰ সৌন্দৰ্য উপভোগ কৰিবলৈ পুৱাৰ পৰা সন্ধিয়ালৈ ভিৰ বাঢ়ি অহাৰ লগে লগে বৃহৎ প্রত্যাহ্বানৰ সন্মুখীন হৈছিল গৌতম বৰদলৈ। তেওঁ কয়, ‘কাঞ্চনজংঘাত ৰাইজৰ ভিৰ হোৱাৰ লগে লগে ইয়াৰ আগে পাছে বহুত কেইজনে একেদৰে নাৱক লৈ ব্যৱসায় আৰম্ভ কৰিলে। আৰম্ভ হৈছিল প্রতিযোগিতা। সেইবাবে পুনৰ গাঁৱৰ মিস্ত্রি আনি দ্বিতীয়খন নাও নিৰ্মাণ কৰা হৈছিল।
দ্বিতীয় খন অসমৰ আটাইতকৈ ডাঙৰ নাও। ১০৫ ফুট দীঘল আৰু ৪০ ফুট বহল দুটা মহলীয়া ফুডিং নাও বেষ্টুৰেন্ট কাঞ্চনজংঘা-২ ৰাইজৰ বাবে মুকলি কৰা হয়। অসমৰ নদী পর্যটন বুলি ক’লে সকলোতকৈ আকৰ্ষণৰ কেন্দ্ৰ হৈ পৰিছে বগীবিলৰ কাঞ্চনজংঘা।’ প্রতিদিনে দেশী-বিদেশী পর্যটকে ভিৰ কৰেহি কাঞ্চনজংঘাত। গৌতম বৰদলৈয়ে কয়, ‘আমেৰিকা, জার্মানী, ফ্রান্স, চীন আদি সকলো দেশৰ পৰাই আহিছে পর্যটক। ম্যানমাৰৰ পৰা প্ৰায়ে পর্যটক আহি থাকে। বিভিন্ন বিদ্যালয়,মহাবিদ্যালয়ৰ ছাত্র-ছাত্রীসকলকো ইয়ালৈ আনে কর্তৃপক্ষই।’ গৌতম বৰদলৈয়ে বগীবিলৰ কাঞ্চনজংঘাৰ জৰিয়তে মুকলি কৰিছে সংস্থাপনৰ বাট। যিটো বর্তমান সময়ত অতি গুৰুত্বপূর্ণ বিষয় হিচাপে বিবেচিত হৈছে।
