Guwahati:বয়োজ্যেষ্ঠ নাগৰিকৰ সতেজ-সবল দেহ-মনৰ বাবে পদক্ষেপ শান্তানীৰৰ

বয়োজ্যেষ্ঠসকলৰ আন্তর্জাতিক দিৱস ‘ইণ্টাৰনেচনেল ডে অৱ অল্ডাৰ পাৰ্ছন্স’ৰ স’তে সংগতি ৰাখি দেওবাৰে এপ’ল’ হাস্পতালৰ সহযোগত শান্তানীৰ নামৰ সংস্থাটোৱে বর্ণাঢ্য কাৰ্যসূচী অনুষ্ঠিত কৰে।

বয়োজ্যেষ্ঠ নাগৰিকৰ জীৱন যাপন সুস্থ-সবল আৰু শান্তিপূর্ণ ৰূপত উদ্ভাসিত কৰাৰ উদ্দেশ্যে আয়োজন কৰা কনক্লেভ ফৰ এল্ডার্জ-২০২৫ শীর্ষক সম্মিলনত সমাজৰ বিভিন্ন স্তৰৰ বয়োজ্যেষ্ঠ নাগৰিকে অংশ লয়। আমাৰ সমাজৰ অমূল্য অংশীদাৰ বয়স্ক লোকসকলৰ প্ৰতি থকা সমাজৰ অংগীকাৰ প্রতিফলিত কৰা এই অনুষ্ঠানত কিদৰে জীৱনৰ বিয়লি বেলা তেওঁলোকে এক সতেজ-স্বল, জ্ঞানাকর্ষক আৰু উচ্চমানৰ জীৱন যাপন কৰিব পাৰে এই বিষয়ে আজি অনুষ্ঠানত বিভিন্নজনে আলোকপাত কৰে।

অসমীয়াৰ প্ৰাণৰ শিল্পী জুবিন গাৰ্গৰ স্মৰণত কাৰ্যসূচীৰ আৰম্ভণিতে এক মিনিট সময় মৌন প্রার্থনা জনোৱা হয় শাম্তানীৰৰ কাৰ্যকৰী সভাপতি ডাঃ সাধন ব্রত দাসৰ বিশেষ তৎপৰতাত আয়োজিত এই অনুষ্ঠানৰ আৰম্ভণি কৰে শান্তানীৰৰ সচিব ডাঃ গৌতম খাউণ্ডে। অনুষ্ঠানত সমাজৰ প্ৰতিজন নাগৰিকৰ বাবে বৃহৎ অনুপ্ৰেৰণাৰ উৎস ৰাজ্যৰ বিভিন্ন ক্ষেত্ৰৰ খ্যাতিসম্পন্ন জ্যেষ্ঠ নাগৰিকসকলক সম্বর্ধনা জনোৱা হয়। এইসকলৰ ভিতৰত আছে দৈনিক অগ্ৰদূত’ৰ মুখ্য সম্পাদক তথা বিশিষ্ট সাংবাদিক কনকসেন ডেকা, অধ্যাপক ড:অজয় মহত্ত্ব, মল্লিকা হাজৰিকা আৰু থানেশ্বৰ মালাকাৰ।

এই উপলক্ষে আয়োজিত বিভিন্ন আলোচনাসত্ৰ পৰিচালনা কৰে নেডফিৰ মহাপ্ৰৱন্ধক, মুখ্য বিত্ত বিষয়া আৰু কোম্পানী চেক্রেটাৰী বিকাশ কুমাৰ আগৰৱালাই। জ্যেষ্ঠ নাগৰিক আৰু ‘বিভীয় সুস্থতা’ শীর্ষক আলোচনাচক্রত বক্তব্য প্রকাশ কৰি অধ্যাপক ডাঃ সুৰেশ চক্ৰৱৰ্তী (জিএমচিএইছৰ মনোবিজ্ঞান বিভাগৰ মুৰব্বী)য়ে জীৱনৰ এই সোণালী কালছোৱাত কিদৰে মানসিক সুস্থতাক সঞ্জীৱনী দিব পাবি সেই বিষয়ে আলোকপাতকৰে। আলোচনাচক্রত ডাঃ অঞ্জনজ্যোতি চৌধুৰীৰ পৰিচালনাত সুধাকণ্ঠ ড° ভূপেন হাজৰিকাৰ প্ৰতি এক বিশেষ শ্রদ্ধাঞ্জলি অনুষ্ঠানৰ আয়োজন কৰা হয়।

তদুপৰি মধুমেহ আৰু উচ্চ ৰক্তচাপৰ দৰে ৰোগৰ বিনামূলীয়া পৰীক্ষাৰ উপৰি খাদ্যাভ্যাস সম্পর্কীয় পৰামৰ্শ, ফিজিঅ’থেৰাপীৰ পৰামৰ্শ আদিও সম্পন্ন কৰা হয়। তদুপৰি অষ্টিঅ’প’ৰছিছ, হাওঁফাওঁৰো ৰোগ সম্পর্কীয় বিনামূলীয়া পৰীক্ষা কৰা হয়। অসম বিপাসনা ট্রাষ্টে আগবঢ়োৱা বিপাসনা ধ্যান আদিৰ বাবে যোগাযোগ কেন্দ্র, ভাৰতীয় বিদ্যা ভৱনৰ যোগ আৰু কম্পিউটাৰ শিক্ষা তথ্য সম্পর্কীয় অংশগ্রহণকাৰী

সকল উপকৃত হয়। সজাগতা পদক্ষেপৰ দ্বাৰা আনহাতে, ডাঃ প্রদীপ ঠাকুৰীয়া আৰু ডাঃ স্বৰূপ দেই দান কৰা চিত্রশিল্পৰ ‘গেলেৰী অৱ চেৰিটী’ শীৰ্ষক সুন্দৰ প্ৰদৰ্শনীও আছিল অনুষ্ঠানৰ অন্যতম এক আকর্ষণ।