Drishti Rajkhowa:
গুৱাহাটীস্থিত টাডা আদালতত চলি থকা পুৰণি এক অপহৰণৰ ঘটনা সন্দৰ্ভত আজি আদালতত আজি আত্মসমর্পণ কৰিব একালৰ আলফাৰ উপ- সেনা প্ৰধান দৃষ্টি ৰাজখোৱাই ।
উল্লেখ্য যে আলফাৰ উপ- সেনা প্ৰধান হৈ থকাৰ সময়ত ৰাজখোৱাৰ বিৰুদ্ধে এজন লোকক অপহৰণৰ অভিযোগত ৰুজু হৈ আছিল গোচৰ ৷ আজি পর্যন্ত সন্ধান নোলাল অপহৃত লোকজনৰ ৷ যাৰবাবে টাডা আদালতত চলি থকা উক্ত গোচৰমৰ্মে আদালতে ৰাজখোৱাক আত্মসমর্পণ নিৰ্দেশ দিয়ে ৷ সেই অনুসৰি বৰ্তমানৰ বিজেপি নেতা দৃষ্টি ৰাজখোৱা ওৰফে মনোজ ৰাভাই আজি আদালতত আত্মসমৰ্পণ কৰিব ৷ ইয়াৰ পিছতে তেওঁক আদালতে প্ৰেৰণ কৰিব পাৰে কাৰাগাৰলৈ ৷ আদালতত দৃষ্টি ৰাজখোৱা ওৰফে মনোজ ৰাভাৰ হৈ যুক্তি প্ৰদৰ্শন কৰে জ্যেষ্ঠ অধিবক্তা বিজন মহাজনে ৷
উল্লেখ্য যে আন এক গোচৰত টাডা আদালতত হাজিৰ হয় আলফাৰ এসময়ৰ সাধাৰণ সম্পাদক অনুপ চেতিয়া,বৈদেশিক সচিব প্ৰদীপ শইকীয়া সহ কে’বাজনো প্ৰাক্তন আলফা নেতাই ৷
