90 per cent of the newly elected MLAs in Bihar are crorepatis:
বিহাৰৰ নৱনিৰ্বাচিত বিধায়কবৰ্গৰ ৯০ শতাংশ হৈছে কোটিপতি। নির্বাচনী মনোনয়ন পত্ৰৰ স’তে দাখিল কৰা শপতনামাসমূহৰ জৰিয়তে এই তথ্য পোহৰলৈ আহিছে। এই কোটিপতি বিধায়কসকলৰ গড় হিচাপত প্রতিজনৰে সা-সম্পত্তিৰ মূল্য ৯.২ কোটি টকা। উল্লেখ্য যে যোৱা ১৪ নৱেম্বৰত ফলাফল ঘোষিত হোৱা সদ্যসমাপ্ত বিহাৰ বিধানসভা নিৰ্বাচনত এনডিএৰ ২০২ জন আৰু – বিৰোধী মহাজোঁটৰ ৩৫ জন প্রার্থীয়ে জয়লাভ কৰে। ২৪৩ জনীয়া বিধানসভাখনৰ আনসকল বিজয়ী প্রার্থী হৈছে এআইএমআইএম আদিৰ। পোহৰলৈ অহা তথ্য অনুসৰি, এনডিএৰ অন্যতম বৃহৎ অংশীদাৰ দল জনতা দল (ইউ)ৰ মুঠ ৮৫ – বিজয়ী প্রার্থীৰ ৭৮ জনেই কোটিপতি। আনহাতে, বিজেপিৰ নৱনিৰ্বাচিত ৮৯ বিধায়কৰ ৭৭ জন, আৰজেডিৰ ২৫ জনৰ ২৪ জন, এলজেপি (আৰভি)ৰ ১৯ জনৰ ১৬ জন আৰু কংগ্ৰেছৰ ছজনৰ ছজনেই কোটিপতি। আনকি ক্ষুদ্র দল এআইএমআইএমৰ ছয় নৱনিৰ্বাচিত বিধায়কৰ আটাইকেইজনেই কোটিপতি। একেদৰে হামৰ পাঁচ
নৱনিৰ্বাচিত বিধায়কৰ চাৰিজন, ৰাষ্ট্ৰীয় লোক মৰ্চাৰ চাৰি নৱনিৰ্বাচিত বিধায়কৰ আটাইকেইজন, চিপিএমৰ একমাত্র বিধায়কজন আৰু চিপিআই (এম-এল)ৰ দুই নৱনিৰ্বাচিত বিধায়কৰ এজন হ’ল কোটিপতি। উল্লেখ্য যে এই কোটিপতি নৱ-নির্বাচিত বিধায়কসকলৰ মাজৰ আটাইতকৈ চহকী বিধায়কসকল হ’ল ৰাষ্ট্ৰীয় লোক মৰ্চা (আৰএলএম)ব। দলটোৰ পৰা মাথোঁ চাৰিজন বিধায়ক নির্বাচিত হ’লেও তেওঁলোকৰে গড় সম্পত্তিৰ মূল্য হৈছে ২২.৯৩ কোটি টকা। অর্থাৎ আটাইতকৈ চহকী বিধায়ক আছে আৰএলএমৰ। এইক্ষেত্রত
একেবাৰে তলত অৱস্থান কৰিছে চিপিআই (এমএল) এ। দলৰ দুই নৱনিৰ্বাচিত বিধায়কৰ গড় সম্পত্তিৰ মূল্য হৈছে ১.৪৬ কোটি টকা। আনহাতে, এলজেপি (আৰভি) ৰ নৱনিৰ্বাচিত বিধায়কসকলৰ গড় সম্পত্তিৰ মূল্য ১৩.৬৬ কোটি টকা। একেদৰে জেডিইউৰ ৯.৫৩ কোটি টকা, বিজেপিৰ ৮.৮৬ কোটি টকা, আৰজেডিৰ ৫.৮০ কোটি টকা, কংগ্ৰেছৰ ৪.৮২ কোটি টকা, হামৰ ৬.১৬ কোটি টকা আৰু এআইএমআইএৰ ২.১ কোটি টকা। এনেদৰে বিহাৰৰ নৱনির্বাচিত বিধায়কবৰ্গৰ গড় সম্পত্তিৰ মূল্য হৈছে ৯.২ কোটি টকা।
