State BJP:
আজি মহানগৰীৰৰ শ্ৰীমন্ত শংকৰদেৱ কলাক্ষেত্ৰত প্রধানমন্ত্রী মোদীৰ জন্ম দিনৰ লগত সংগতি ৰাখি তেওঁৰ জীৱন বৃত্তান্তকলৈ এখনি প্রদর্শনী উন্মোচন কৰে ৰাজ্যিক বিজেপিৰ সভাপতি দিলীপ শইকীয়াই। পুৱা৯ বজাত অনুষ্ঠিত হোৱা উন্মোচনী অনুষ্ঠানত প্রধানমন্ত্রী মোদীক অসমৰ ব্ৰেণ্ড এম্বেচাডৰ বুলি অভিহিত কৰি ৰাজ্যিক বিজেপিৰ সভাপতি দিলীপ শইকীয়াই কয় যে, প্রধানমন্ত্রী গৰাকীয়ে অসমৰ ঐতিহ্য, কলা-সংস্কৃতি আৰু স্বভিমানক বিশ্বৰ দৰবাৰত প্ৰতিষ্ঠা কৰিবৰ বাবে অসমৰ ব্ৰেণ্ড এম্বেচাডৰ হিচাপে অহোপুৰুষাৰ্থ কৰিছে।
আনহাতে ৰাজ্যিক বিজেপিৰ মুখপাত্র জয়ন্ত কুমাৰ গোস্বামীয়ে এক প্রেছ বিজ্ঞপ্তি যোগে যোৱা ১৭ ছেপ্তেম্বৰৰ পৰা ২ অক্টোবৰৰলৈকে প্রধানমন্ত্রী নবেন্দ্র মোদীৰ জন্মদিন উপলক্ষে ‘সেৱা পষেক’ হিচাপে একলানী কার্যসূচী ভাৰতীয় জনতা পার্টি, অসম প্রদেশৰ দ্বাৰা দেশৰ অন্যান্য অঞ্চলৰ লগতে অসমত পালন কৰিবৰ বাবে এক বিস্তৃত কার্যসূচী হাতত লৈছে। এই উপলক্ষে কালি প্রথম পৰ্যায়ত অসমৰ প্ৰতিখন জিলাতে দলে ৰক্তদান শিবিৰৰ আয়োজন কৰে।
আজি প্রধানমন্ত্রী নৰেন্দ্ৰ মোদীৰ নেতৃত্বত ভাৰতীয় জনতা পার্টিৰ ১১ বছৰীয়া কাৰ্যকালত চৰকাৰৰ বিশেষ উপলব্ধি আৰু সফলতা সমূহ তথা প্রধানমন্ত্রী গৰাকীৰ জীৱন বৃত্তান্ত সম্বিলিত শ্রীমন্ত শংকৰদেৱ কলাক্ষেত্রত এখন প্রদর্শনীৰ আয়োজন কৰিছে। অহা ২৪ ছেপ্তেম্বৰৰলৈকে মুকলি থকা প্রদর্শনীখনৰ উন্মোচনী অনুষ্ঠানত ৰাজ্যিক সভাপতি গৰাকীৰ লগতে প্রাক্তন সভাপতি তথা বিধায়ক সিদ্ধার্থ ভটাচার্য, সাংসদ বিজুলী কলিতা মেধি, ৰাজ্যিক ‘সেবা পষেক’ কাৰ্যসূচীৰ আহ্বায়িকা তথা ৰাজ্যিক উপ-সভানেত্রী ড:জুৰি শৰ্মা বৰদলৈ, মহিলা মৰ্চাৰ সভানেত্রী নিলিমা দেবী, কৃষক মৰ্চাৰ সভাপতি পংকজ বৰবৰা, গুৱাহাটী মহানগৰ জিলাৰ সভাপতি তপন দাস, গুৱাহাটীৰ মেয়ৰ মৃগেন শৰণীয়াৰ লগতে দলৰ অগণনন কার্যকর্তা উপস্থিত থাকে বুলি মুখপাত্র গৰাকীয়ে জানিবলৈ দিয়ে।
উল্লেখ্য যে ‘সেৱা পষেক’ৰ দ্বিতীয় পৰ্য্যায়ৰ কাৰ্যসূচীত আজিৰে পৰা ২ অক্টোবৰৰলৈকে বিজেপিৰ মণ্ডল সমিতি সমূহৰ দ্বাৰা ৰক্তদান শিবিৰৰ আয়োজন, বিদ্যালয়, চিকিৎসালয়, ৰে’ল ষ্টেচন, বাছ আস্থান, নামঘৰ-মন্দিৰ, উদ্যান, নদী আৰু ঐতিহাসিক স্থান সমূহত ব্যাপক স্বচ্ছতা অভিযান, বিকশিত ভাৰত শীর্ষক বিষয়ৰ ওপৰত চিত্রাংকন প্রতিযোগিতা, বিনামূলীয়া স্বাস্থ্য শিবিৰৰ আয়োজন, প্রবুদ্ধ সম্মিলন, তথ্য চলচিত্র প্রদর্শন, গ্রন্থ বিতৰণ আদি কাৰ্যসূচী অনুষ্ঠিত কৰিবৰ বাবে প্রস্তুতি চলাইছে।
আনহাতে ২১ ছেপ্তেম্বৰত ‘নমো মাৰাথান দৌৰ’, ২৫ ছেপ্তেম্বৰৰ পণ্ডিত দীনদয়াল উপাধ্যায়ৰ জীৱনৰ ওপৰত জিলা স্তৰত আলোচনা সভা, বুথ পর্য্যায়ত বৃক্ষ ৰোপন কাৰ্যসূচী, ৰাজ্যিক জিলা স্তৰত আত্ম নির্ভৰশীল ভাৰত তথা ভ’কেল ফৰ ল’কেল শীর্ষ বিষয়ৰ ওপৰত জনজাগৰণ অভিযানৰ আয়োজন কৰিছে বুলি মুখপাত্র গৰাকীয়ে জানিবলৈ দিয়ে।